2013年5月9日星期四

老三陽忠犬「坐監」 友善Lucky咬人有原委

《頭條日報》,2013/5/9

Kelly同好多姊妹都鍾意江滬菜,有時落廚煮幾味都鍾意去銅鑼灣名店「老三陽」買食材,前幾日聽到老三陽登龍街分店養嘅唐Lucky咬傷人,?家在漁護署「坐監」一星期,聽老闆祈廣楠講,Lucky好忠心,對一班熟客好友善,只係有時對衣着唔太企理,如拖鞋短褲、又有酒味嘅人「兇」吓吠吓,只係護主心切咋!

祈老闆話,原本舖頭養咗隻唐女Happy,已十三歲,係對面五金舖老闆送贈,後來見Happy年紀大,就去愛護動物協會領養多一隻唐Lucky。

佢話,之前登龍街附近有白粉友、夜晚又有小偷,所以養看門口。佢話,其實兩隻都好忠心,唔會隨便咬人,只係有時俾人搞、又或者見到鬼鬼祟祟、又唔太企理嘅客人,就會吠兩聲嚇吓人。

太子女仲話,其實兩隻每次咬人,背後都有原因,有次就因為有醉酒山東客,有次就因為女孩把公仔放在背上。祈老闆話,兩隻又搞到客人,所以可能日頭都唔放佢哋出舖啦,夜晚先畀佢哋自由奔放啦!