2014年1月17日星期五

邋遢人工湖 龜爭食死魚

《東方日報》,2014/1/16

何太早前偕女兒往柴灣公園遊玩,期間驚見人工湖內有龜隻爭相啄食一條死魚,狀甚恐怖。「起初以為係膠袋,望真啲先知係死魚,囡囡見到都話好核突!康文署有冇派人清潔個湖o架?」

康文署每年兩次大清洗

康文署發言人指出,人工湖設有循環過濾系統,每年安排最少兩次大型清洗;場地職員如發現有死魚會立即清理。由於不時有市民把魚類放養湖內,現時柴灣公園人工湖內約有二百條魚,又指過去人工湖內發現死魚的情況不嚴重,當局已安排場地職員加強巡查,並在有需要時安排清潔工作。發言人亦提醒市民切勿於人工湖放生魚類及龜隻,違者可被檢控。

「一年得兩次大型清洗,都唔知夠唔夠!康文署唔好得個講字,真係多啲清潔先好!」何太表示短期內不會帶女兒往上址遊玩,待人工湖衞生情況有所改善方考慮重遊。