2017年7月26日星期三

為養貓租村屋 遭業主破門拋棄 貓癡:動物要真心非傳心

2017-07-22 20:32                
原文連結在此: https://www.hk01.com/sns/article/105674
「接阿迪返屋企之前,佢未見過人浸浴,以為我浸親,於是叫另一隻貓去叫我先生救我,自己就喺浴室望住我,好緊張咁『喵喵喵喵』。」Emma笑說。Emma名副其實是貓奴是貓癡,高峰時期收養過30多隻喵星人,阿迪就是其一。她甚至為牠們租下村屋,住貓不住人。

最近動物傳心術鬧出一宗新聞,Emma自言不信這套,「其實真係唔使傳心,我都唔係好信傳心,只要你照顧佢嘅時間多,睇佢嘅時間多,真心錫佢,就會留意到,知道佢哋鍾意啲咩、想要啲咩。」

第一隻被救回來的花花
Emma人生中第一隻貓,是她和姐姐在村口從惡狗的口裏救回來的,牠名叫花花。那時,母親下班回來就喊:「嘩隻貓好慘呀,俾隻狗叼住,唔知係想食咗佢定點!」於是Emma和姐姐未來得及怕那頭惡犬,九秒九就衝出去救貓,「係我趕走咗隻狗!」伯母插嘴道。兩姊妹用個雪糕盒做小貓的新家,幫牠洗澡。她們未曾養貓,又急忙地去寵物店求助。

那時候花花還未開眼,兩姊妹輪流餵奶,「佢唔怕人,可能因為嗰時佢仲係BB,唔知道『人』係咩,可能當咗我係媽媽。」家人從此連做家務都未敢放下小貓:「有件衫心口有個袋,我哋做家務時就袋花花喺衫袋度,佢就喺衫袋訓覺。」

小貓日漸長大,也逐漸像有人性:「佢知道時間!媽媽放工返屋企,佢會走去窗口,見差唔多返到,佢就會走去門口。」母親掃地拖地,花花會醒目地跳上枱面,不會阻住。「花花好得意,係好有性嘅一隻貓。就係佢,令我哋全家都咁鍾意貓。」
花花因病離世後,Emma經過寵物店見到有隻貓經常瑟縮一角,非常怕人,由小貓長大成了成貓都沒人買,於是就向店主買了牠,送給父母,是她唯一買的貓。(高仲明攝)(高仲明攝)(高仲明攝)(高仲明攝)(高仲明攝)(高仲明攝)(高仲明攝)
從1隻變30隻
花花不愛轉換環境,因此牠沒有陪同Emma嫁去男友的家。於是,她在防止遺棄動物協會領養了第一隻貓。怕牠悶,就又領養了第二隻。朋友知道她有領養貓貓,當遇到棄貓時,又將其「轉介」給Emma。漸漸,1隻變成30隻,Emma更租下村屋成「貓屋」,是名副其實的貓貓收容所。Emma和男友平日不住在村屋,他們上班前後和放假會到村屋打掃、餵貓、逗貓玩。其餘時間,30多隻貓獨霸「武林」。

但某天,Emma發現部份貓貓竟然對她望而生畏,丁點聲音也把牠們嚇破膽。她懷疑有人趁屋內沒人時來嚇貓貓,遂舉家搬至一個200呎的劏房。「嗰度的確係細。但我哋當時都好難搵屋,而且如果同業主講有30幾隻貓,一定無人肯租屋俾我哋。其實我哋嗰時係同對方講我們有6隻貓。」住了一年多,一直都相安無事,直至屋內漏水。
Emma是名副其實的貓奴,高峰時期收養過30多隻喵星人,甚至為牠們另租一屋,住貓不住人。(受訪者提供)

貓貓被劏房業主扔掉
一晚,她回到貓屋,驚覺屋內竟沒有貓。「係我自己傻,租咗之後一直無換鎖。有晚我返到屋企,個業主將我啲貓扔哂出去。」她自責。她急忙叫男友趕來救貓,男友甚至因此而被好人當賊扮:「嗰度係唐2樓(3樓),樓下有個露台位,佢爬落去救貓,逐隻逐隻捉。後來有人報警,以為他係賊,想爆格。」

Emma曾召漁護署幫忙救貓,但該署人員來到場後指貓貓在簷篷隙,不會墮街,沒即時危險,而且他們要攀上那位置救貓很困難,因此決定收隊。Emma和男友唯有自己救,但用盡方法去引貓都失敗:「因為被人扔出街,佢哋實在好怕人,見到我哋都唔肯出來。」

有一隻貓被困於水渠位,誓死都不進屋,Emma只好哀求樓下的鄰居讓他們進露台捉回貓貓:「最初樓下唔肯,我都明白我哋之前打攪到佢哋。我哋求佢話『俾一次機會我哋入去啦』,佢哋之後都應承俾我哋入去。」Emma男友伸手去捉,貓貓因驚慌而抓他、咬他,「抓到入哂肉,捉到後放佢入袋,一鬆手,滴哂血。」後來男友因此進了急症室。「我記得當時樓下姨姨講咗句:『何必呢?』」

合兩人之力,30多隻貓最終只能捉回10多隻。
貓咪被扔一事後,Emma試過另找地方但失敗,所以開始找人收養細貓,8隻成貓就跟她搬回男友的家。後來貓貓因老去或病患而離世,現在只剩下2隻。大威是其中一隻跟了Emma回家的成貓。(高仲明攝)
(高仲明攝)(高仲明攝)(高仲明攝)(高仲明攝)(高仲明攝)(高仲明攝)