愛心司機淋水撐傘 救中暑野豬

《蘋果日報》，2017/8/6

人與野豬不只發生衝突，亦有互助互愛的時候。旅遊巴司機陳先生前日下午在西貢工作，遇上一隻獨行的小野豬懷疑中暑倒地，他從車廂取水餵豬，又淋水協助降溫，隔一小時後野豬終於清醒離開。陳先生指救豬只是盡本份，附近的司機亦有協助，「大家唔會覺得奇怪，呢啲係做人應該有嘅行動。」

陳先生指前日下午4時執拾旅遊巴行李櫃時，見到一隻小野豬在背後行過，後來發現野豬在草地倒下，「我開頭以為佢咁得意係草地曬太陽，再望真啲佢好似唔舒服喎，喘晒氣閉上眼瞓喺度」。他立即找水餵野豬，「我一倒啲水佢就係咁飲，我就懷疑佢熱得滯中暑」。

清醒後搖尾離開

陳先生先後餵3支水給野豬，又去買麵包嘗試餵食，更撐傘為野豬遮擋陽光。野豬休息一個多小時後終於清醒起身，搖着尾巴離開。陳先生指自己家住圍村，見過不少野豬出沒，但救豬還是第一次，「當時見到佢咁情況，梗係盡人事幫吓佢」。近年本港經常有野豬闖入市區，與人類發生衝突。陳先生認為人類應該盡量和野豬和平共處，「野豬有時有啲係來勢洶洶，但我覺得呢個地球唔係人類擁有，大家共同擁有，我冇必要破壞佢嘅生活」。