2018年3月2日星期五

假保育 真虐殺 / 袁慧妍

週三 2018-02-28
原文連結在此: https://www.inmediahk.net/node/1055423
好似大家對三億「支持海洋公園發展教育旅遊項目」,一萬名學生免費去海洋公園都好有微言。

少少FACT︰
1)海洋公園截至2017年6月30日的2016/17財政年度,虧損2.344億。
2)海洋公園主席係孔令成,林鄭競選辦成員,盤谷銀行資深副總裁、西九文化區管理局董事局成員、香港房屋委員會資金管理附屬小組委員會委員、中國人民政治協商會議上海市委員會常委、香港銀行華員會名譽會長、巴斯德亞洲基金主席、滬港經濟發展協會有限公司副會長兼司庫,等等。
3)副主席係「package好好」嘅劉鳴煒,林鄭競選辦成員,華人置業集團主席及行政總裁、中國人民政治協商會四川省委員、扶貧委員會轄下「關愛基金專責小組」及「社會參與專責小組」之增補委員、香港城市大學校董會成員、外匯基金諮詢委員會轄下的金融基建委員會委員,等等。
4)最得意係「張瑞蓮」喺上年七一入咗海洋公園董事會。跑政治組的就應該會好記得佢,佢係CY忠實擁躉,當年係CY競選辦成員,亦係成日抹黑民主派「港人講地」總編、齊心基金會行政總裁,等等。
5)聽聞呢個計劃係「教育用途」,送一萬張飛俾學生去海洋公園。即係咁,海洋公園過去一年有7,807隻動物,當中884隻死亡,當中九成是魚類,仲有一隻熊貓叫佳佳。2015年,因人為錯誤,因水池清洗時出水口吸力太強,有隻1歲的斑海豹被吸往池底死亡;2014年,因人為錯誤,令到61條魚缺氧窒息,加埋另有6條雌性鎚頭鯊吸入過量臭氧副產品死亡,和4條屬國家一級保護動物的中華鱘死亡;2011年,有4隻小企鵝相繼死亡,園方話係因為企鵝父母「疏忽照顧」,小企鵝暴斃係「自然事故」。跟住有條海豚叫Jessie,喺海洋公園被困養「劏房」38年,作用係表演娛賓,同埋被研究、被生育。都真係要教育下學生,咩叫假保育、真動物墳場。
6)唔知學生係跟學校去定約同學仔去,但如果同家人去,家人就要俾錢了。